નવી દિલ્હી: T20 વર્લ્ડ કપ 2022માં (T20 World Cup) વિરાટ કોહલીના (Virat Kohali) કેચને લઈને ચર્ચામાં છે. ત્યારે બોલિવૂડ અભિનેત્રી ( Bollywood Actress) અને ફિલ્મ (Film) નિર્માતા અનુષ્કા શર્મા (Anushka Sharma) પણ ચર્ચામાં છે. હાલમાં જ વિરાટે એવો કેચ લીધો કે અનુષ્કા તેના વખાણ કર્યા વગર રહી શકી ન હતી. પરંતુ તમને જણાવી દઈએ કે અભિનેત્રીએ હવે ક્રિકેટના મેદાનમાં પતિ વિરાટને ફોલો કરવાનું શરૂ કરી દીધું છે. તે ટૂંક સમયમાં ચોગ્ગા અને છગ્ગા ફટકારતી જોવા મળશે. આ દિવસોમાં અભિનેત્રી ઈડન ગાર્ડન્સમાં તેની મોસ્ટ અવેટેડ ફિલ્મ ‘ચકદા એક્સપ્રેસ’નું (Chakda Express) શૂટિંગ કરી રહી છે.
અનુષ્કા શર્મા ઝુલન ગોસ્વામીના રોલમાં જોવા મળશે
અનુષ્કા શર્મા તાજેતરમાં કોલકાતાના આઇકોનિક ઇડન ગાર્ડન્સમાં તેની આગામી ફિલ્મ ‘ચકદા એક્સપ્રેસ’નું શૂટિંગ કરતી જોવા મળી હતી. તસવીરોમાં અભિનેત્રી ક્રિકેટ જર્સી અને સફેદ સ્પોર્ટ્સ શૂઝ પહેરેલી જોઈ શકાય છે. આ ફિલ્મમાં અનુષ્કા ક્રિકેટર ઝુલન ગોસ્વામીની ભૂમિકામાં જોવા મળશે.
ઝુલને લોકો માટે પ્રેરણાદાય છે
ઝુલન ગોસ્વામી તેના ધ્યેયમાં સફળ રહી હતી અને તેણે ભારતીય મહિલા રાષ્ટ્રીય ક્રિકેટ ટીમનું નેતૃત્વ કર્યું હતું અને તે દેશના મહત્વાકાંક્ષી ક્રિકેટરો માટે એક આદર્શ છે. 2018 માં, તેમના સન્માનમાં એક ભારતીય ટપાલ ટિકિટ બહાર પાડવામાં આવી હતી. આંતરરાષ્ટ્રીય કારકિર્દીમાં મહિલા દ્વારા સૌથી વધુ વિકેટ લેવાનો વર્લ્ડ રેકોર્ડ ઝુલન ગોસ્વામીના નામે છે.
4 વર્ષ પછી એક્ટિંગમાં કમબેક કરશે અનુષ્કા
પ્રોસિત રોય દ્વારા નિર્દેશિત, ‘ચકદા એક્સપ્રેસ’ ઝુલન ગોસ્વામીના જીવન પર આધારિત છે, જે 2012 માં પદ્મશ્રી મેળવનારી બીજી ભારતીય મહિલા ક્રિકેટર બની હતી. આ ફિલ્મથી ચાર વર્ષ બાદ અનુષ્કા શર્મા એક્ટિંગમાં કમબેક કરી રહી છે. ‘ચકદા એક્સપ્રેસ’નું શૂટિંગ ભારત અને યુકેમાં થશે અને તેનું નિર્માણ ક્લીન સ્લેટ ફિલ્મ્સ દ્વારા કરવામાં આવી રહ્યું છે.
તમને જણાવી દઈએ કે ઓસ્ટ્રેલિયા વિરૂદ્ધ બ્રિસબેનમાં રમાયેલી વોર્મ-અપ મેચમાં વિરાટ કોહલીએ બેટિંગમાં એક પણ તીર માર્યો ન હતો પરંતુ તેના એક કેચે તેને ફરી એકવાર સ્ટાર બનાવી દીધો છે. ફિલ્ડિંગ કરતી વખતે વિરાટે કાંગારૂ ટીમની કમર તોડી નાખી હતી. વાસ્તવમાં, વિરાટ કોહલીએ છેલ્લી ઓવરમાં મોહમ્મદ શમીની બોલ પર હવામાં કૂદકો માર્યો અને બાઉન્ડ્રી લાઇન પર પેટ કમિન્સનો કેચ પકડ્યો, કોહલીએ મેચનો માર્ગ બદલી નાખ્યો. આ કેચની પ્રશંસા કરતા અનુષ્કાએ ખુલ્લેઆમ તેના વખાણ કર્યા છે.
