ભરૂચ(Bhaurch) : પોતાના વિચારોને બિન્ધાસ્તપણે જાહેરમાં બોલવા માટે જાણીતી અભિનેત્રી કંગના રાણાવતે તાજેતરમાં સ્ટેચ્યુ ઓફ યુનિટીની મુલાકાત લીધી હતી. અહીં વિશ્વની સૌથી ઊંચી પ્રતિમા જોઈ તે પ્રભાવિત થઈ હતી. સરદાર પટેલે દેશ માટે જે કર્યું તેની વિગતો જાણી તે અભિભૂત થઈ હતી.
બોલીવુડ (Bollywood) અભિનેત્રી (Actress) કંગના રાણાવતે (KanganaRanaut) વિશ્વની (World) સૌથી ઊંચી (Tallest) પ્રતિમા સ્ટેચ્યૂ ઓફ યુનિટીની (StatueOfUnity) સુચક મુલાકાત લીધી હતી. મુલાકાત દરમિયાન કંગના સરદાર વલ્લભભાઈ પટેલની 182 મીટર ઊંચી પ્રતિમા જોઈ મંત્રમુગ્ધ થઈ ગઈ હતી. પ્રતિમા બાદ પ્રદર્શની વિસ્તારની મુલાકાત દ્વારા અભિનેત્રીએ સરદાર પટેલે સ્વતંત્રતા ચળવળ અને ભારતના એકત્રિકરણ માટેના કરેલા પ્રયાસો વિશે પણ માહિતી મેળવી અને ઈતિહાસને પણ નજીકથી જાણવાનો પ્રયાસ કર્યો હતો.
કાંગનાનાય મુલાકાત દરમિયાન સ્ટેચ્યુ ઓફ યુનિટીના ગાઈડ મિત્ર ઝુબીન ગમીર દ્વારા એકતાનગરના સતત થઈ રહેલા વિકાસની માહિતી પણ આપવામાં આવી હતી. નોંધપોથીમાં પોતાના પ્રતિભાવો નોંધતા કંગના રાણાવતે નોંધી પોતાની મુલાકાતનો અનુભવ પણ વ્યક્ત કર્યો હતો.
સ્ટેચ્યુ ઓફ યુનિટી નિહાળ્યા બાદ અભિનેત્રી કંગના રાણાવતે મીડિયા સાથે વાત કરતા કહ્યું હતું કે લોખંડી પુરૂષ સરદાર પટેલની આ પ્રતિમા સમગ્ર દેશનું ગૌરવ છે અને મને ગર્વ છે કે આજે આ મહાન પ્રતિભાને સેલ્યુટ કરવાનો મને મોકો મળ્યો છે.
અભિનેત્રી કંગના રાણાવતે સ્ટેચ્યુ ઓફ યુનિટીની ઉત્તમ જાળવણી, સ્વચ્છતા અને સુવિધાઓની પણ પ્રશંસા કરી હતી અને સ્ટેચ્યુ ઓફ યુનિટી સત્તામંડળને અભિનંદન પાઠવ્યા હતા.
આ દરમિયાન સ્ટેચ્યુ ઓફ યુનિટી વિસ્તાર વિકાસ અને પ્રવાસન નિયમન સત્તામંડળના મુખ્ય કારોબારી અધિકારી ઉદિત અગ્રવાલ અને નર્મદા જિલ્લાના કલેક્ટર શ્વેતા તેવટિયાએ કંગના રાણાવતને સ્ટેચ્યુ ઓફ યુનિટીનું પ્રતીક અને સોવેનિયર પુસ્તિકા આપીને તેમનું સ્વાગત કર્યું હતું. આ આ અવસરે નાયબ કલેક્ટર શ્રીઅભિષેક સિન્હા સહિત અનેક વરિષ્ઠ અધિકારીઓ પણ ઉપસ્થિત રહ્યા હતા.
તેજસ ફિલ્મમાં કંગના દેખાશે
કંગના તેના દેશપ્રેમ માટે પણ જાણીતી છે. ઝાંસીની રાણી પર ફિલ્મ મણિકર્ણિકા બનાવ્યા બાદ હવે કંગના વધુ એક દેશભક્તિની ભાવનાને ઉજાગર કરતી ફિલ્મ તેજસમાં દેખાશે. આ ફિલ્મ એરફોર્સ ડ્રામા પર છે. તે સિવાય તે ઈમરજન્સી ફિલ્મમાં પણ દેખાશે. તત્કાલિન વડાપ્રધાન ઈન્દિરા ગાંધીના કાર્યકાળમાં દેશમાં લાગુ કરાયેલી ઈમરજન્સીના ઘટનાક્રમ પર આ ફિલ્મ બની રહી છે, જેમાં કંગના મુખ્ય પાત્ર ભજવી રહી છે.
