Chhotaudepur

છોટાઉદેપુર નગરપાલિકા ચૂંટણીનું ચિત્ર સ્પષ્ટ થયું, કુલ 99 ઉમેદવારો મેદાનમાં


છોટાઉદેપુર નગરપાલિકા ની ચૂંટણી તારીખ 16 ફેબ્રુઆરીના રોજ યોજવાની હોય વહીવટી તંત્ર દ્વારા પણ ભારે તડામાર તૈયારીઓ ચાલી રહી છે. નિયમ પ્રમાણે ઉમેદવારી પત્રો ભરવા ની છેલ્લી તારીખ 1 ફેબ્રુઆરી હતી. જ્યારે ઉમેદવારી પત્રો ચકાસણીની તારીખ 3 ફેબ્રુઆરી હતી અને ઉમેદવારી પત્ર પરત ખેંચવાની તારીખ આજરોજ ચાર ફેબ્રુઆરી નક્કી કરાઇ હતી. જે અન્વયે આજ રોજ પાંચ ઉમેદવારી પત્રો પરત ખેંચવામાં આવ્યા હતા. હવે કુલ 99 ઉમેદવારો મેદાનમાં છે.
અત્રે ઉલ્લેખનીય છે કે નગરપાલિકાની 7 વોર્ડની 28 બેઠકોની ચૂંટણી 16 ફેબ્રુઆરીના રોજ યોજાનાર હોય જે અંગે 324 જેટલા ફોર્મ નો ઉપાડ થયો હતો. જે અંતર્ગત 142 જેટલા ફોર્મ ભરાયા હતા અને ફોર્મ ચકાસણી દરમિયાન 104 ફોર્મ માન્ય રાખવામાં આવ્યા હતા, પરંતુ આજ રોજ ફોર્મ પરત ખેંચવાની છેલ્લી તારીખ હોય જેમાં પાંચ ફોર્મ પરત ખેંચવામાં આવતા હવે કુલ 99 ફોર્મ માન્ય રાખવામાં આવ્યા છે. હવે કુલ 99 ઉમેદવારો નગરપાલિકાની ચૂંટણીનો જંગ લડશે.

Most Popular

To Top